SCWW .MAHAD ILAAHAY AYAA ISKA LEH ,NAGA DHIGAY MUSLIMKA .Waxa aan halkan salaan aad u qiimo badan uga dirayaa,akhristayaasha sharafta iyo karaamada leh ee websitkan IFTIINKACUSUB.COM ku xidhan, waxanan markasta idin leeyahay soo dhawaada ,waxa aan ku dadaali doonnaa in markasta aad websitkan aad ka heli-doontaan qoraalo iyo barnaamijyo idin raali galiya, idinkuna nala wadaaga waxkasta oo aad isleedihiin bulshada ayay wax u taraysaa, noogu soo hagaajiya fariimaha Gmailka,iftiinkacusub@gmail.com iyo khadaraar101@gmail.com .XASUUSIN MARNABA HA ILABIN NABIGA CSW SALIGIISA.

Sirtu Waa Rajadda Iyo Mustaqbalka .W/Q: Garyaqaan Axmed Nuur Guruje.

Haddii dadku ina arkaan , inaggoo baabuur cusub kala badalayna , guryo qurxoona dhisanay , dadku ina rumaysan maayaan , markaa waa in aynu dadkeena wax la qabnaa , waxoogay masaariifta ah ee aynu qaadanana isku filaysiinaa ''( M I Cigaal )

Mar kale isaggoo tashiilka dhaqaalaha ka hadlaya wuxuu yidhi , waxaynu haynaa waa shini , shinidana lama qadhiidho , marka saracu inoo soo baxo , ayaa qadhiidhan doontaane , shinidda ha taabanina .( M I Cigaal )

Markii Madaxda iyo Minjuhu isku meel deggi waayeen , isku Dhakhtar noqon waayeen , isku dabaqad noqon waayeen , ee isku dugsiyo noqon waayeen , ayay is fahmi waayeen ilayn isku aduunba kuma wadda noolee .

Aduunku wuxuu ku nool yahay aragti iyo himilo , waxaana dhisa aragtidda iyo himiladda inta hogaamisa , sidaasina waa sunne alle inoo jideeyay .

Ilaahay baa yidhi , markaa gudataan , waajibkayga cibaado ee aan idinku leeyahay , waan idin janaynayaa , siddaa darteed , Umaddan Somaliland waxay u baahan tahay in loo sameeyo , Itijaah iyo rajo ay ku noolaadaan .

Haa waan ogahay in la shaqaynayo , laakiin waxaa loo baahan yahay wax ka badan shaqo maalmeed , dadku uma noolaaddo maalin dagaal , laakiin Mustaqbal iyo yididiilo ayay u baahan yihiin .

Binu'aadamku noloshiisa oo dhan , wuxuu ka warwaraa Mustaqbalkiisa , Mustaqbalkuna waa muuqaalka qofku ku qiimeeyo noloshiisa , inta qofku mustaqbalkiisa ka webinayo , waano iyo wax sheeg keliya , waxba uma taraan , hadaan la tusin , sawir ka duwan , muuqaalka ka walaaciyey .

Somaliland waxaad moodaa , in Dadka iyo Madaxdeedu is ilowday , kala warhaynta iyo is xog-ogaanshuhuna ku yaraaday , hadaan Siyasiyiintu keenin xiise iyo xamaasad wadaniyadeed , oo dadka ku beerta , qiiro iyo qanaacad nololeed , aafada tahriibka iyo aafooyin badan oo kale oo ay sabbeen , xanuunadda ka dhasha , degenaansha la'aanta nololeed way sii soconayaan .

Waan hubaa inaan Cuduraddda Macaanka iyo dhiig-karku . ka khasaare yarayn , tahriibka , sababta keenaysa weli ma is waydiisay ?

Saaxiibadayda dhakhaatiirta ah baa inoo faahfaahin doona , laakiin , waxaan kusuu gaabinayaa hadalkayga , Noloshu Rajo , Rajaduna waa nolosha

W/Q.Garyaqaan Axmed-nuur Guruje.

Aucun commentaire:

Enregistrer un commentaire