SCWW .MAHAD ILAAHAY AYAA ISKA LEH ,NAGA DHIGAY MUSLIMKA .Waxa aan halkan salaan aad u qiimo badan uga dirayaa,akhristayaasha sharafta iyo karaamada leh ee websitkan IFTIINKACUSUB.COM ku xidhan, waxanan markasta idin leeyahay soo dhawaada ,waxa aan ku dadaali doonnaa in markasta aad websitkan aad ka heli-doontaan qoraalo iyo barnaamijyo idin raali galiya, idinkuna nala wadaaga waxkasta oo aad isleedihiin bulshada ayay wax u taraysaa, noogu soo hagaajiya fariimaha Gmailka,iftiinkacusub@gmail.com iyo khadaraar101@gmail.com .XASUUSIN MARNABA HA ILABIN NABIGA CSW SALIGIISA.

DIINTA

bismillaah walxamdu lillaah wabacdu walaal kayga muslim ka ahow waxan rabaa inaan halkan kugu soo gudbiyo qayb kamid ah xadiithka jibriil een wada garanayno , waana qaybta ka hadlaysa lixda iimaanka

(1) wuxu yidhi nabigu(scw)(iimaanku waa inaad rumayso Alle)micneheeduna waxa weeye inaad alle inuu kaligii yahay rumayso qalbiga iyo carabkaba aad ka rumayso isuna dulayso awaamirtiisa una hogaan santo, go’aana aad ku gaadho inaad u hogaansanto waxa uu alle ku faray , adigoo kana fogaanaya iska kibrin iyo santaag iyo cinaad inaad latimaado, hadaad saa samayso waxad latimid wuxu alle kugu jeclaanayo waxadna ka dheraatay wixi cadho alle kuso jiidi lahaa.

(2) ammaa(rumaynta malaa’igta )waxaa weeye inaad rumayso inta alle magac yadooda u ku sheegay kitaabkiisa aadna rumayso in alle leeyahay malaa’ig kale oo aynaan garanayn tiradooda iyo magacyadooda alle mooyee.

(3) ammaa(rumaynta kutubtiisa)waxa weeye inaan rumayno inta alle magac yadooda inoogu sheegay kitaabkiis sida Towraad, Injiil, iyo Zabuur aanna rumayno in alle leeyahay kutub kale oon kuwan ahayn oo aynaan garanayn,waxana rumaynaynaa Furqaan farqibaana u dhexeeya rumaynta kutubahaa kale iyo keenan Furqaan, rumaynta aan rumaynayno kutubta kale waa inaan qalbiga ka qirno in kutub alle soo dajiyay ay yihiin iyo carabkaba, rumaynta aan rumaynayno kitaabkeena Furqaana waa inaan qalbiga iyo carabkaba ka qirno waxa intaa siidheer inaan inaan wuxu ina farayo raacno wuxu inaga reebayana ka hadhno.

(4) ammaa(rumaynta rususha)waa inaan rumayno inta uu alle inoogu sheegay kitaabkiisa magac yadooda, rumaynana inya jiraan rusul iyo nabiyo kale oo aynaan aqoon, waxaynuna rumaynaynaa nabigeena(scw)Muxamad rumayntaa aan rumaynayno nabigeenana way ka duwan tahay rumaynta aan rumaynayno nabiyada kale, rususha kale saan urumaynayno waa inaan qirno inay yihiin rusul alle soo diraya, amaa nabigeena(scw)saan urumaynayno waa inaan qalbiga iyo carabkaba ka rumayno, rumaynana marwalba wuxu ina faray iyo wuxu inaga reebay, marka hadaan raacno wuxuu inoola yimid waajibaadkana aan gudano xaaraantana aan xaaraan u ictiqaadino xalaashan xalaal shubahaadkana aan ka fogaano khayraadkana aan ku dadaalo, saasaa ah rumaynta rasuulkeena(scw).

(5) ammaa (rumaynta aakhiro)waxa weeye inaan rumayno in laysa soo saarayo dhimasha kadib xisaabina ay jirto, rumaynana mizaanka iyo abaal marinta iyo ciqaabta iyo inay jirto jano iyo naar, rumaynana wax kasta oo alle iyo rasuulkiisu(scw)noosheegen inay maalintaa dhacayso.

(6) ammaa(rumaynta qadarta khayr & sharba)waa inaan rumayno in wixi ina asiiba uuna ahayn mid marnaba inagafi lahaa, wixi ina gafana inuuna ahayn mid marnaba inagu dhici lahaa, waana inaynaan odhan haday saas iyo saas ahaan lahayd saas iyo saasbay noqon lahayd , hadu waxas iyo waxaas jiri lahaana waxaas iyo waxaas madheceen

waana sidaas rumaynta alle iyo malaa’igtiisa iyo kutubtiisa iyo rusushiisa iyo maalinta qiyaamo iyo qadarta khayr iyo sharba

wallaahu aclam

Aucun commentaire:

Enregistrer un commentaire